Քրոնիկական անքնությունը վտանգավոր է կյանքի համար. 1in.am

Արիզոնայի համալսարանի գիտնականներն ուսումնասիրել են անքուն գիշերների հետևանքները: Նրանք բացատրել են. քրոնիկական անքնությունը (վեց և ավել տարի) վաղաժամ մահացության սպառնալիքը մեծացնում է 58%-ով: Բացի այդ, այն մեծացնում է արյան մեջ բորբոքական գործընթացների մակարդակը, որը սրտի հիվանդությունների, շաքարախտի, ճարպակալման, թուլամտության և ընկճախտի պատճառ է դառնում, հաղորդում է The Daily Mail-ը:

Անքնությունը քնի խանգարում է: Քրոնիկ անքնություն է համարվում երեք ամիս և ավելի տևող պարբերաբար՝ շաբաթական առնվազն երեք անգամ, քնի խանգարումների առկայության փաստագրումը :

Քրոնիկական անքնությամբ տառապողները հաճախ են մահանում սրտի և շնչառական հիվանդություններից: Արդյունքները կախված չեն քնաբերի ընդունումից, սեռից, տարիքից և այլ գործոններից: Ավելի վաղ ուսումնասիրողները մահացության դեպքերն արդեն կապել են անքնության հետ, սակայն այս երևույթի մեխանիզմը դեռևս պարզ չէ:

Հարցեր, պատասխաններ, մեկնաբանություններ